平成 (已結業)

早排約了朋友想食返餐高質日本餐，於是就走去棉登徑一帶餐廳林立嘅地方揀間試下，轉角見到呢間叫平成嘅日本餐廳小店，門口已經好有日本居酒屋嘅感覺，於是就入去一試！樣樣食物都想淺嘗幾口嘅我地決定主要叫小食，首先有呢個紫薯沙律，賣相十分吸引，開頭仲擔心紫薯帶甜味唔知會唔會有啲唔夾，食落發現味道比較似平日食開嘅薯仔沙律，只有淡淡的紫薯甜味，味道不錯。作為蟹膏控，每次去到居酒屋都忍唔住叫燒蟹蓋，呢個松葉蟹蓋望落唔大，只有大概掌心size，但內裏係爆膏！蟹膏嘅鮮味不在話下，份量更加係超值。跟住再叫左個燒五花腩三重芝士蛋餅，呢個聽個名已經覺得好fusion，食落有啲似煎蠔餅同韓式芝士煎蛋嘅感覺，加上邪惡嘅芝士同五花腩好難唔好味！吃過一堆小食後其實已飽了一大截，但最後都再要了個溫泉蛋野菜明太子炒稻庭烏冬主食，明太子味道香口，炒烏冬一向係絕配。最後當然不得不提呢款日本酒，只係睇到呢個陣容已叫我同朋友十分興奮，一邊吃小食一邊送酒果然係最佳享受。