稻香 (已結業)

今日放工同班同事o黎飲茶, o華! 一去到已好多人, 要等位, 好彩等o左一陣就有位! ! 我o地6 個人叫到成檯都係點心, 張檯都放唔哂, 其中一個係「金菇肥牛腸粉」, 幾好食, 其他酒樓通常只會有牛肉腸粉, 所以比較特別, 另外個「四色水晶果」, 都唔錯, 四色包括, 奶皇, 豆沙, 椰絲及蓮蓉, 我覺得最好食係奶皇, 但相反最難食係椰絲, 味道怪怪的!! 仲有個「香煎番薯餅」, 裡面d 餡係花生粒同花生蓉, 一咬入去, d 熱辣辣花生蓉「爸爸聲」咁湧出o黎, 「辣」親個咀, 真係差d 連個咀都「辣」大埋, 不過好香, 好好食!! 六個人埋單都唔駛$300 , 好抵食!!