影片
更多
2021-10-24
116 浏览
哥哥添飯•妹妹泡茶喺觀塘美亞廚具城買完小爐具，少少攰有啲餓，行過啲觀塘道，有一間叫「哥哥添飯•妹妹泡茶」嘅台食店，個名好得意，座位闊落，於是入去坐低食飯歇腳。先叫杯飲品解渴。嚟得台食店，梗要叫台式飲品，先至不枉此行。黑糖珍珠奶茶($28)味道香甜，珍珠粒Q彈有嚼勁！朋友嗰杯薰衣草芒果烏龍水果茶($35)唔單止賣相靚，佢話水果甜味加薰衣草香再加烏龍茶鮮，組合得好好，冰凍解渴。晚市套餐除咗主食，有三小碟做前菜，再加米飯丶水果，豐盛得嚟可以樣樣食啲，啱晒心多多嘅我！我揀咗北海道元貝炒蘆筍配蟹膏拌飯 ($128)晚市套餐，香煎元貝肥大飽滿，蟹膏望落似凝脂，味道鮮美，拌飯一齊食，更加覺得佢油脂細緻！朋友嘅麻辣牛肉麵餐($88) 包埋魯肉青菜。牛骨湯味道唔錯(麵條淋咗啲⋯)，牛筋軟腍好食，厚切牛腱五香味濃，整體屬於小麻小辣程度。觀塘觀塘道388號創紀之城一期地下6號舖
喺觀塘美亞廚具城買完小爐具，少少攰有啲餓，行過啲觀塘道，有一間叫「哥哥添飯•妹妹泡茶」嘅台食店，個名好得意，座位闊落，於是入去坐低食飯歇腳。
先叫杯飲品解渴。嚟得台食店，梗要叫台式飲品，先至不枉此行。黑糖珍珠奶茶($28)味道香甜，珍珠粒Q彈有嚼勁！朋友嗰杯薰衣草芒果烏龍水果茶($35)唔單止賣相靚，佢話水果甜味加薰衣草香再加烏龍茶鮮，組合得好好，冰凍解渴。
晚市套餐除咗主食，有三小碟做前菜，再加米飯丶水果，豐盛得嚟可以樣樣食啲，啱晒心多多嘅我！我揀咗北海道元貝炒蘆筍配蟹膏拌飯 ($128)晚市套餐，香煎元貝肥大飽滿，蟹膏望落似凝脂，味道鮮美，拌飯一齊食，更加覺得佢油脂細緻！朋友嘅麻辣牛肉麵餐($88) 包埋魯肉青菜。牛骨湯味道唔錯(麵條淋咗啲⋯)，牛筋軟腍好食，厚切牛腱五香味濃，整體屬於小麻小辣程度。
觀塘觀塘道388號創紀之城一期地下6號舖
张贴
