去滾

营业中

休息中

一直都想嚟去滾食火鍋，因為佈置好有玩味，牆上有啲80年代霓虹燈牌裝飾，字句都幾搞笑，喺度食火鍋非常舒適嘅同時，亦可以懷緬下香港嘅 地道情懷。餐廳提供嘅圍裙都好得意，好似肚兜咁樣😂同家人前來叫咗個雙拼湯底，蕃茄薯仔湯入面好足料，有好多蕃茄，薯仔，粟米，木耳等材料。沙嗲湯底好惹味香辣，入面有啲豬皮，白蘿蔔。肉類拼盤上桌好有氣勢😍有好多煙飄出嚟，而且好足料，有牛腩，安格斯牛肩肉，牛舌，黑豚肉，質素上乘。蔬菜拼盤有生菜，木耳，芋頭及粟米，清新之選。 飲品叫咗一渣竹蔗茅根，非常清甜，可以下火。