吹水館 (已結業)

呢度我黎過好多次,帯過屋企人黎.,佢地個個都話好食,不過我每次叫親d食物都係差唔多。禽晚冇飯開,約左個好朋友食dinner,諗起好耐冇黎過,朋友又有車,去遠d都得,黎到附近,好朋友都話好好feel喎,岩晒d人黎拍拖,我知呢度好feel,但主要我係鍾意呢間鋪d食物。我同佢食d野係一樣..2個$158嘅set..有湯,有肉眼扒,有飲品,另加$35有一片2安士鵝肝,叫左8隻蠔,佢地叫3隻送1隻,每隻$29朋友要個番茄什菜湯,佢話好掂,我果個蜆肉忌廉湯都好好味。件肉眼扒朋友要4成,我要5成,但兩件都熟左少少,不過可能件件扒都會有唔同,我件扒好食過我朋友果件,但我朋友都已經好滿意。件鵝肝就好掂喇,皮夠脆,又夠香,我地最滿意鵝肝,加$35,好抵食。今次冇愛爾蘭蠔,有點失望,因為我最鍾意晌度食愛爾蘭蠔,叫左8隻唔知邊度嘅蠔,有兩款,其中一款好味d,有海水味,另一款冇乜味。服務..男侍應好過d女侍應。座位有點迫,但有幾個位幾舒服架。