阿一豬扒酸辣米綫

星期六返半日然後食lunch 既熱選，我個人其實都幾愛好食米線，因為味道唔會差，價錢都唔貴得去邊🙈，無論午餐晚餐會食得飽。我呢d究極窮人想食豪dd就會黎呢度😂，食$40🙈🤣

古法手撕雞酸辣水晶粉

$40

呢個餐我其實食過食過好多次，反而較少叫米線，包熱飲，手撕雞係熟雞肉，比較鞋，但都👌🏻既，而且份量足，食極都仲有咁🤣👍🏻，大件夾抵食，而我其實最鐘意佢既酸菜，酸味同鹹味好夾，水晶粉連少少湯一齊食就好好味👍🏻👍🏻。水晶粉好似米線咁上下粗，白色唔透，通常食親都煮得比較硬身，我諗煮淋d可能好食d，自問偏向大食，粉夠多，斯文細食既人應該會食唔哂。熱檸水太甜，唔叫少甜走甜應該會糖尿😑⋯⋯

舖面好細，通常d人都要等位，環境衛生差d，不過餐具望落都唔污糟，呢類舖頭係咁上下，不能要求太高。