Dozy

营业中

休息中

今日我同我好朋友一齊去叫左一杯dirty，一杯mocha同一件捲蛋。2杯嘢完全淡而冇味，一杯收成50都算，呢個都唔緊要。個甜品45蚊嘅捲蛋，根本就係薄切嘅瑞士卷嘅十分一，完全唔值，仲要冇乜伯爵茶味。之後，我地諗住外賣攞走去第二道食，呢個位先係俾錢買難受，咁正常見到有位係可以坐低等一等個外賣，一坐落去點知有個四眼職員話咩，個2個位你地唔坐得，一句唔好意思都冇咁叫我地，仲要冇留座嘅牌，又毫無禮貌，我鬼知唔坐得，收我咁嘅價錢，俾啲咁差嘅attitude我，你呢個cafe遲早俾人foul，深水埗有咁多cafe，唔好以為sell可以俾寵物入就以為唔洗有好嘅服務態度😂。食物水準真係好普通，甚至可以用差黎形容。大家想試，可以去食架，俾幾百蚊去買難受，我做人做左咁耐，第一次有咁嘅服務態度😂。