影片
更多
2023-05-05
1012 浏览
今日去咗樂富房屋署，同爸爸無無聊聊行過去新蒲崗(佢話新薄崗多野食喎…)原本都係巷仔轉入去行岀去萬迪個邊，我見到好大好靚嘅貓貓畫，話想去影吓相我唔知佢係餐廳黎😂因為當時半掩門，我以為未開張，連OpenRice 都未有顯示，跟住就有人👋🏻叫我哋入去試下啦~~新開架！食物秘製醬汁蘿蔔燜牛坑腩呢個真係好食！啲蘿蔔索晒啲汁，又燜得夠冧❤️一咬舊蘿蔔啲汁漏晒岀黎😂啲牛腩都好好食😋夠冧夠滑(係有2舊少少鞋)同埋值得一提:啲飯係珍珠米呀！黑松露滑蛋蝦仁飯呢個勁多人嗌！佢個滑蛋真係好滑~啲蝦又大隻，又彈牙🥰加上少少黑松露香味❤️好好食個份量都好夠飽辣椒油本身我唔係好食辣，但爸爸話佢啲辣椒油好食，同埋有蒜蓉我就加少少🤏🏻試又香味，又有辣味，個後勁好快到，可能試少少，都唔會辣好耐！凍檸茶呢個凍檸茶比茶記大杯❤️熱檸水啲檸檬好鮮、好酸！冇澀味😋環境呢到地方光猛，但唔算好大地方，不過咁啱我地有卡位坐！應該係人多就會俾圓枱，人少有卡位就俾卡位！呢到仲有得打邊爐🍲正！
我唔知佢係餐廳黎😂因為當時半掩門，我以為未開張，連OpenRice 都未有顯示，跟住就有人👋🏻叫我哋入去試下啦~~新開架！
食物
秘製醬汁蘿蔔燜牛坑腩
呢個真係好食！啲蘿蔔索晒啲汁，又燜得夠冧❤️一咬舊蘿蔔啲汁漏晒岀黎😂
啲牛腩都好好食😋夠冧夠滑(係有2舊少少鞋)
同埋值得一提:啲飯係珍珠米呀！
黑松露滑蛋蝦仁飯
呢個勁多人嗌！佢個滑蛋真係好滑~啲蝦又大隻，又彈牙🥰加上少少黑松露香味❤️好好食
個份量都好夠飽
辣椒油
本身我唔係好食辣，但爸爸話佢啲辣椒油好食，同埋有蒜蓉
我就加少少🤏🏻試又香味，又有辣味，個後勁好快到，可能試少少，都唔會辣好耐！
凍檸茶
呢個凍檸茶比茶記大杯❤️
熱檸水
啲檸檬好鮮、好酸！冇澀味😋
環境
呢到地方光猛，但唔算好大地方，不過咁啱我地有卡位坐！
應該係人多就會俾圓枱，人少有卡位就俾卡位！
呢到仲有得打邊爐🍲正！
张贴
