泰亭 (已結業)

去咗新開既Elements逛一逛。商場地方大，商舖多，食肆都唔少。早前聽到有人推介呢間泰國菜館，即管試吓啦。只不過係六點幾，但係已經有好多人等緊位喇，唔知係咪因為咁，派飛既姐姐態度就真係麻麻。等位既人數唔少，反觀其他食肆就冷冷清清。我哋出去行咗一陣再番轉頭，都好似未叫過一張枱。心諗，應該好好食既，一於等落去...... 一坐低，我哋諗住快快趣叫嘢食啦，點知啲侍應姐姐叫極都冇反應，態度就唔好講啦...... 終於落咗單，叫咗炸蝦餅、青咖喱雞、冬蔭功、蝦膏炒飯同埋椰青。等緊嘢食既同時，我哋留意到其實附近都有一啲執好咗既空枱，但係一直都唔叫客人入嚟坐，裏面有裏面空，出面有出面等，真係諷刺。原來等位既人咁多係另有原因既。椰青同埋炸蝦餅上枱，我哋正諗住動手之際，突然間有個侍應姐姐過嚟話想幫我哋調位，因為想合併張枱俾其他人。我哋心諗，唔緊要，方便吓人地啫，於是就調咗位。但係呢一個好心既舉動，就令到我哋餐飯大打折扣喇！事緣我哋已經落咗單，啲嘢食就照樣送去我哋本身坐緊既枱，要靠個侍應指揮傳菜哥哥送嚟我哋張枱。冬蔭功、青咖喱都送到，但係個炒飯就冇咗影。我哋追第一次，侍應話會跟進，但係就冇番轉頭講個情況俾