影片
更多
2022-10-16
117 浏览
同朋友慶祝, 經過見到有間新開既日本料理, 主打Omakase. 裝修好靚, 全店和式木製, 高雅舒適, 座位寬敞. 食物方面配搭創新, 屬於新派日式料理, 師傅非常專業, 每道菜都有講解, 每樣食材名稱, 來源, 特色都好清晰. 上菜方面, 唔會一次過上哂全部刺身或者壽司, 而係每次都會唔同款式, 令你驚喜.Omakase Set – N前菜三品旬のお造り七品和食肴旬の握り寿司七貫吸物、デザート付き前菜有三款, 分別係秋葵, 山藥漬吞拿魚, 漬蘿蔔配螺, 秋葵浸係帶酸既日本土佐醋, 醋味香, 酸味適中. 吞拿魚配山藥, 味覺上既新配搭. 螺肉清甜, 加埋漬蘿蔔, 三款都係前菜精選.甜蝦他他鮮甜既甜蝦, 整到好似蝦滑既質感, 師傅話食到一半既時候, 飲碗伴上既蝦膏湯, 鮮味即時提升, 再食埋餘下既甜蝦.春鯛壽司肉質鮮味, 質感嫩滑, 食得出既鮮味!北海道帶子壽司配馬糞海膽北海道帶子鮮甜已經唔使講, 裡面仲配埋蒸左既馬糞海膽, 絕品加絕品!秋刀魚卷裡面包住秋刀魚, 紫蘇葉, 紫蘿蔔同埋壽司薑, 又一新配搭, 新鮮既秋刀魚刺身係呢輪既當造期, 同燒秋刀魚跟本係天淵之別, 錯過左就無得食架喇
同朋友慶祝, 經過見到有間新開既日本料理, 主打Omakase. 裝修好靚, 全店和式木製, 高雅舒適, 座位寬敞. 食物方面配搭創新, 屬於新派日式料理, 師傅非常專業, 每道菜都有講解, 每樣食材名稱, 來源, 特色都好清晰. 上菜方面, 唔會一次過上哂全部刺身或者壽司, 而係每次都會唔同款式, 令你驚喜.
Omakase Set – N
前菜三品
旬のお造り七品
和食
肴
旬の握り寿司七貫
吸物、デザート付き
前菜有三款, 分別係秋葵, 山藥漬吞拿魚, 漬蘿蔔配螺, 秋葵浸係帶酸既日本土佐醋, 醋味香, 酸味適中. 吞拿魚配山藥, 味覺上既新配搭. 螺肉清甜, 加埋漬蘿蔔, 三款都係前菜精選.
甜蝦他他鮮甜既甜蝦, 整到好似蝦滑既質感, 師傅話食到一半既時候, 飲碗伴上既蝦膏湯, 鮮味即時提升, 再食埋餘下既甜蝦.
春鯛壽司肉質鮮味, 質感嫩滑, 食得出既鮮味!
北海道帶子壽司配馬糞海膽北海道帶子鮮甜已經唔使講, 裡面仲配埋蒸左既馬糞海膽, 絕品加絕品!
秋刀魚卷裡面包住秋刀魚, 紫蘇葉, 紫蘿蔔同埋壽司薑, 又一新配搭, 新鮮既秋刀魚刺身係呢輪既當造期, 同燒秋刀魚跟本係天淵之別, 錯過左就無得食架喇.
火炙赤鯥魚壽司赤鯥魚上面刨左魚籽, 帶有微微咸香味, 肉質堅延美味!
仙鳳趾生蠔配泡醋沙冰及柚子皮仙鳳趾生蠔係我既最愛, 鮮甜, 香滑, 配上土佐醋製成既沙冰同埋柚子皮, 完全估你唔到咁好味. 師傅再三提醒要快食, 因為沙冰溶左就完全唔同口感.
間八魚將間八魚, 蔥, 茗荷(日本生薑), 黑松露, 放入專用玻璃杯入面, 再燒著櫻花木, 煙燻20秒, 杯內間八魚等等既食材都充滿煙燻既香味. 真係好獨特既食法! 淨係視覺效果都值回票價.
燒和牛和牛肉質超級嫩滑, 超香濃牛味, 入口即溶, 配有3種味鹽選擇: 食鹽, 山椒鹽及蒜鹽, 可以每件和牛分別配搭不既鹽, 食出唔同既味道. 伴碟仲有辣麵豉, 嗜辣既朋友可以挑戰下, 都真係幾辣.
龍珠果, 神秘果先食半粒清甜既龍珠果, 跟住食神秘果, 甜甜地, 但係千祈唔好咬穿粒核, 因為會好苦, 再食埋半粒龍珠, 清新一下味蕾, 迎接下一道菜.
炙燒梭子魚兩件梭子魚分別左邊配上柚子胡椒, 右邊配上漬物, 炙燒過後令魚味更特出!
南非鮑魚鮑魚蒸3個鐘, 分兩件上菜, 左邊配海膽, 右邊配鮑魚肝醬撈飯, 南非鮑魚味濃肉爽, 配埋海膽既超鮮味, 絕配. 另一邊既鮑魚肝醬將鮑魚味道雙重提升, 成個口腔都充滿鮑魚鮮味, 不相上下.
北海道小川海膽一板既北海道小川海膽真好吸睛, 想成板攞返屋企. 配上淡鹹味既淡雪鹽, 外表靚, 海膽仲靚!
金目鯛外皮經過炙燒, 肉質保留刺身鮮味, 香味濃郁, 中間配鮮甜無花果, 帶你上另一層次!
花竹蝦花竹蝦超大隻, 肉質堅爽, 蝦味濃, 配上自家用蝦殼制成既蝦鹽, 多多都食得哂!
筋子香甜既筋子, 粒粒卜卜脆, 爆開既香味充滿整個口腔.
稻草煙燻拖羅用稻草煙燻過, 又給你另一種新食法, 保留住拖羅既原有味道, 再加上煙燻既效果, 配埋雞蛋食用, 完全另一拖羅感覺.
𩶘魚湯奶白色湯底, 就知魚湯超級濃味, 𩶘魚既魚味肉味完全溶入左湯裡面!
自家制菠蘿雪糕+蜜瓜自家制菠蘿雪糕好好味, 仲有菠蘿粒粒, 日本蜜瓜出名香味十足同埋甜度高!
张贴
