八月花 (皇室堡)

营业中

休息中

都係朋友話我知用信用卡有優惠帶我嚟試。八月花都開咗好多年亦都有好多分店，不過價位偏高，以中式酒樓亦都有好多選擇，如果想同朋友家人坐得舒服，的確可以嚟試吓。第一次食佢嘅叉燒，真係食完想再返嚟再試，叉燒嘅味道調校得剛剛好，不會太甜，亦都不會烤得太乾，保留叉燒肥瘦一字的口感，肉質偏軟，廣東叉燒一般較爽口。酥香鴨份量很足夠，表皮烤得非常香脆，肉質油味偏重，鴨肉亦非常柔軟。老火湯用料足，去酒樓兩餸一湯，的確是叫餸食飯的基本，香港人始終都鍾意飲碗湯，暖一暖胃。蟹肉伊麵，不過不失，醬汁過多，伊麵與醬汁混合在一起，味道略嫌不足，而蟹肉本身沒有什麼味道，單靠醬汁混合粉漿做出的效果沒有想像中這麼好吃。菜式口感尚算平均，總括價錢銅鑼灣區也可以有更好的選擇。