純寿司 (已搬遷) 新店位置

純壽司係我搬入元朗頭幾間食嘅日式餐廳，第一次食已經覺得好正，魚生好新鮮，性價比好高。今次再食，一樣冇令我失望。壽司拼盤每次黎都係必點！魚生超級新鮮，特別係赤身，每次都冇令我失望。價錢亦都唔係好貴，絕對係超值之選。日式蜆湯呢個湯其實都係喺呢度睇好多師兄推介先去試。一係唔食，一食就愛上左。蜆嘅份量好多，亦都好鮮甜，最緊要係冇沙！南蠻炸雞呢個炸雞中規中矩，除非大家好想食，否則我認為可以skip。散叫壽司一樣非常新鮮，建議大家唔夠可以試一試。我會比較推薦魷魚，事關呢到嘅魷魚真係好淋好新鮮。