MR. MAKI (保和大廈) (已結業)

返工返到攰唔想買餸煮飯，諗住係屋企附近買外賣就算，突然嗰日又好想食壽司，於是醒起之前食過嘅壽司店Mr. Maki。夜晚去唔算多人，外賣只要15分鐘左右就拎得。🌟魚全部都係魚上次有叫過呢一款壽司食，食過返尋味😋上面鋪滿吞拿魚拖羅蟹子，中間夾住嘅我最愛嘅三文魚超級肥美，保持水準！🌟麻麻地軟殼蟹今次有叫到新嘢食，壽司入邊有包住軟殼蟹、蟹棒、牛油果同青瓜。特別之處係呢款壽司係辣嘅，因為用咗麻辣沙律醬，但唔算特別辣。🌟先生炸雞/炸有皮薯條不得不讚個炸雞，啱啱拎個時仲出緊煙，即叫即炸，拎到返屋企食落都仲係脆，炸雞上面仲有芥茉醬。$15有齊晒汽水沙律同炸雞都真係十分之抵食！