Burgeroom (美麗華廣場1期) (已結業)

以前食過覺得呢間啲漢堡包幾好食，今次嚟到水準仍然保持到。星期日嚟食跳漢堡包，加$30可以享有套餐，有直薯條及飲品。我哋揀咗菠蘿煙肉牛肉漢堡及墨西哥辣椒芝士牛肉漢堡，兩款漢堡包都係$98。而且我哋都加$30配成套餐。落咗單食物好快就到，漢堡包大大個而且有好多餡料。菠蘿煙肉牛肉漢堡，菠蘿多汁減卻咗煙肉嘅油膩感。牛肉厚身又juicy! 仲配有蕃茄、生菜等。墨西哥辣椒芝士牛肉漢堡有芝士，漢堡包更香。墨西哥辣椒酸酸辣辣，令到漢堡包更惹味。薯條粗身炸得香脆。飲品揀咗蜜桃冰茶及檸檬冰茶。