漢堡佬 (已搬遷) 新店位置

之前食过呢间汉堡佬嘅牛肉汉堡，好好食，所以今日特意再去帮衬。发现餐厅汉堡选择又多咗好多，而家仲做埋意粉添😂 嗌咗个菠萝脆虾汉堡同三重芝士牛肉流心蛋汉堡外卖，比我同细佬食。菠萝脆虾汉堡既菠萝有煎过，特别多汁，食落酸酸甜甜好开胃。满满虾肉既炸虾扒都好新鲜，汉堡配搭新奇又好好食！ 细佬食我推荐佢嘅牛肉汉堡都好满足，份量又大，牛肉超多汁好香肉味，加埋三种口感浓郁嘅芝士同流心蛋，佢食到赞不绝口😂都话冇推介错啦！餐厅可以一直保持咁高水准，仲成日出新口味，抵我写好评比佢！