Lucy Coffee N Food (已結業)

由於舊區重建關係，長沙灣這一兩年開了很多新食肆，但cafe類型相對較少。保安道上的這間cafe成了這區文青的聚腳點。因工作地點接近的緣故，經常都會經過這cafe，不過由於店內座位極其珍貴，對於不習慣等位的我來說，能否幫襯都只持隨緣態度。最喜歡他們的甜點。Cafe的蛋糕供應沒有固定款式，因應時令及喜好去選材及製作，所以常常有驚喜，每日都會把蛋糕款式寫在廚房的玻璃上，賣光就打x。其中一款我喜愛的甜品是無花果杏仁撻，以前一直無特別食無花果，原來無花果做甜品好夾，杏仁撻內有香脆杏仁，佢啲甜品唔係一味死甜，一件甜品內有齊鬆化丶脆口同果香，有層次同高質。近日又試咗個紅桑子杏仁金寶撻。一舊舊既金寶口感香脆，同紅桑子味又係好鬼夾，我覺得佢哋既水果甜品較出色，可能係口味問題。店舖缺點係價錢貴，甜品件頭好細，真係食每啖要好珍惜，飲品亦係偏細杯。無tea set，食件餅同飲杯野都8、90蚊。同埋工作人員似乎係執到金都唔識笑果種，去咗十次有多都未見過佢哋笑，香港人壓力都幾大。