影片
更多
2015-01-17
4560 浏览
之前和朋友團購了俄羅斯菜套餐！今日終於訂到位試到！因為餐廳每日只限十幾個位比團購，所以差不多限期前先訂到，由地鐵站行上去都幾辛苦，準時7點半到！門口都幾隱密，見到招牌但搵唔到入口，原來入口要在巷仔落幾級樓梯，入到裡面，燈光昏暗，以木傢具配很多歐洲色彩嘅織布品及擺設裝飾，好特色！坐下來，店員會比張團購餐牌我們！自己揀鍾意嘅食物，我們特意揀不同嘅食品試下（唔會大家都揀中唔合意嘅）點好菜，大家欣賞下裝飾，飲下飲品傾下偈！好快就上菜！前菜：三文魚子班㦸--呢個係前菜嘅主要角色，一定有的！薄班㦸包住三文魚子沙律，沙律幾多沙律醬，味道唔酸，三文魚子卜卜脆！紅菜頭魚柳沙律--紅菜頭絲顏色特別，食落有陣特有嘅草青味，下面係普通沙律！白魚柳係凍嘅，比較韌同少許腥！唔好味！烏克蘭西紅柿釀芝士--蕃茄夾芝士，芝士味比較濃，唔係個個受到！我就覺得幾特別！煙比目魚冷盤，魚肉較腥，唔好味！俄國雜綿沙律--普通蔬菜沙律！湯：青羅宋湯--其實好似無落麵豉嘅麵豉湯，材料帶海帶金菇加雜菜！湯好清，除了海帶甜味之外無乜味道！烏克蘭魚湯--好濃嘅蕃茄魚蓉湯，見唔到魚塊！唔腥！好味！格魯吉亞辣肉片湯--唔係好辣，似牛尾湯嘅味道
坐下來，店員會比張團購餐牌我們！自己揀鍾意嘅食物，我們特意揀不同嘅食品試下（唔會大家都揀中唔合意嘅）點好菜，大家欣賞下裝飾，飲下飲品傾下偈！好快就上菜！
前菜
45 浏览
0 赞好
0 留言
前菜：三文魚子班㦸--呢個係前菜嘅主要角色，一定有的！薄班㦸包住三文魚子沙律，沙律幾多沙律醬，味道唔酸，三文魚子卜卜脆！紅菜頭魚柳沙律--紅菜頭絲顏色特別，食落有陣特有嘅草青味，下面係普通沙律！白魚柳係凍嘅，比較韌同少許腥！唔好味！
烏克蘭西紅柿釀芝士--蕃茄夾芝士，芝士味比較濃，唔係個個受到！我就覺得幾特別！煙比目魚冷盤，魚肉較腥，唔好味！
俄國雜綿沙律--普通蔬菜沙律！
湯
34 浏览
0 赞好
0 留言
青羅宋湯--其實好似無落麵豉嘅麵豉湯，材料帶海帶金菇加雜菜！湯好清，除了海帶甜味之外無乜味道！
烏克蘭魚湯--好濃嘅蕃茄魚蓉湯，見唔到魚塊！唔腥！好味！
格魯吉亞辣肉片湯--唔係好辣，似牛尾湯嘅味道！
俄國雜菜清湯--好清，完全無味，雜菜水！
主菜：招牌芝士焗牛脷--無乜芝士味，似白汁多啲，牛脷淋身唔韌，帶少許彈牙！好味！
俄國傳統腰豆焗羊肩--唔膻！但較韌！個汁幾特別！
俄國宮廷燉鹿肉--鹿肉似羊肉，無咁膻，但又韌啲，個汁幾濃幾好味，似牛尾汁！
俄國焗蘋果鴨胸--鴨肉較嚡，唔覺得有蘋果酸味！一般！
甜品：烏克蘭蘋果批--只係蘋果餡蛋糕，個人本身唔鍾意食蘋果批，佢呢隻又唔係快餐店嘅炸蘋果批，只係有餡蛋糕！蛋糕又唔夠鬆軟，較乾！唔好味！
特色新地雪榚--普通一球呍呢嗱雪榚加糖漿！雪榚唔夠滑！一般！
飲品：黑啤--唔會好重苦味，濃味易入口！
Appletiser--有汽蘋果汁，好清爽！好味！
俄羅斯花草茶--用壺上，唔係茶包！打開茶壺見到好多花茶枝葉！第一杯未焗透！比較淡！之後兩杯都好濃，又唔會苦！好清新嘅味道！可以清一清口腔味道！
食物要睇啱唔啱口味，我覺得值得試！就算唔係團購，餐牌散叫菜色都唔係好貴，不過見隔離枱，主菜都幾大份量，都係人多先可以試到多啲菜色！餐具有彩色花紋！好靚！加上男店員好熱情，會主動邀請我哋入酒窖影相，仲幫埋我哋揸機影特色相！又幫手影大合照！非常親切！一個俄羅斯女店員竟然識流利廣東話，另外一個中年女店員（唔識廣東話）都好爽手！所以今餐食得好盡興！廁所仲要乾淨！香港人真係好幸福，香港乜菜色都可以食到！
张贴
