大渣哥茶記 (已結業)

去開九龍灣，一於試試呢間有名氣的大渣哥！而家有好多茶記都整得好難食，好令人失望，今次試試大渣名。我心目中紅茶係算高質嘅茶記，呢間大渣哥的質素都比得上紅茶，可以下次再encore。今次叫咗「乾炒鮮牛肉炒公仔麵」有鑊氣，不會過咸，麵條炒得乾身，食落不油，算係表現得唔錯，個大廚有啲功力。另亦點了一杯「茶走」，所謂「茶走」，即係奶茶不加糖而加煉奶，從前製作奶茶時會預先加入砂糖，若食客不喜歡砂糖的甜味，煉奶就是另一個好選擇。不少人也有一股「奶茶癮」，喝不到便心癢難耐，一杯好的港式奶茶，最重要是看色、香、味、口感和回甘，奶和茶融為一體，味道一致口感順滑。因此每家餐廳的奶茶味道也不一樣，大渣哥的走茶做到香、滑、濃，算係有七分。