可能去既時間尚早, 12點多少少就入座, 見到個價錢都算少少貴, 一碗面+一杯野飲就要102蚊, 但如果好味既又無咩所謂。於是點左最愛吃既牛筋面+跟餐既胚芽珍珠奶茶。
上餐速度非常快, 可能因為人唔多(目測只有1/3入座率), 跟面黎既仲有碟咸菜。不過咸菜真係太咸, 食左一啖就無再食。見到熱辣辣香噴噴既牛筋面, 唔知食邊樣先好, 決定先飲啖湯!!!嘩, 好好味, D 湯好濃味但又唔覺得咸, 好有係台灣食牛肉面既感覺, 再咬一啖牛筋, 好林好入味, 香港好難食得咁入味既牛筋, 真心覺得唔錯, 而且牛筋份量都好足。
面方面, 我點左幼面, 質地好好, 配合埋個湯底好好味, 呢個幼面真係無得輸。
整體成碗面真係好正, 真係要挑剔既只係面太少, 如果面既份量不加多少少就PERFECT
1
