Wingman (已結業)

今日終於黎左朋友介紹嘅呢間雞翼舖食嘢。比起夜晚，佢地lunch嘅性價比係高好多，但係我地係食夜晚。呢間之前都有聽朋友介紹過好特別，因為佢哋嘅雞翼真係有好多隻味道。咁我哋就兩個女仔食，食嘅嘢都唔算太多，因為唔想浪費所以就冇嗌咁多嘢食但係都夠飽。我哋係嗌左六隻乾身嘅蒙古BBQ味，然後六隻濕身嘅黑芝麻海鮮蜂蜜味，如果鍾意食麻嘅人我真係好建議佢點蒙古BBQ味，因為真係好有北方路邊燒烤攤嘅味道，然後黑芝麻海鮮蜂蜜雞翼醬汁都好濃味，好入味！今日帶咗啲兩款雞翼都好好味，下次多啲人食會帶多幾隻味道！然後嗌左甜番薯條，炸得啱啱好，唔會非常多油，而且個醬都好好味，原本以為係沙律醬但係原來唔係而且有少少辣味，好特別。最後叫咗一個南瓜risotto，細細個好得意，而且都幾入味，因為食完雞翼已經有少少飽所以個份量唔會太多啱啱好！總括嚟講，基本上每一樣野都有佢嘅特點，都有佢特別嘅味道，下次來會叫埋其他味道嘅雞翼，同埋會試吓個牛油卷同埋填鴨卷。