他的面

营业中

休息中

今日情人節，同另一半貪過癮去咗重慶小麵試吓個麻辣紅燒牛肉麵。咗碗牛肉麵，湯底紅卜卜，飲第一啖已經feel到花椒嘅麻同辣椒嘅香，辣得嚟唔會死鹹。牛肉大大舊，半筋半肉煮到超淋，筷子一夾就散開，吸晒湯汁好入味。麵條揀咗幼身嗰款，掛湯力夠，嗦嗦聲食得好爽。 牛肉麵一上枱，湯底紅得嚟好濃郁，牛肉煮得夠淋，入口即化，麻辣味夠晒勁，食到鼻水都出埋，但又唔會太嗆喉，幾過癮。小酥肉外脆內嫩，咬落去仲有啲肉汁，點埋辣椒粉更加惹味。最後食埋紅糖糍粑，外皮脆脆哋，入面煙韌，紅糖甜度啱啱好，解辣一流。整體嚟講，味道唔錯，價錢都合理，係個幾好嘅情人節選擇！ 。