影片
更多
2009-01-05
23 浏览
好耐冇去FRIDAY食過，以前都會成日去食，隔左一排冇去食喇！今次突然想起佢，就一行三人過去食。星期日晚八點倒去到，都好多人，不至於FULL HOUSE, 但都坐左大部份既位。其實呢間餐廳一向都係外國人食多，因為價錢一點都唔平，可以話貴的，可能外國人會慢慢享受，感覺真係FINE DINING緊，香港人大多快坐快食，未必享受到乜野氣氛，淨係講份量同價錢黎睇，其實絶對係貴價食唔飽。點解我地都會食？就係因為始終佢既野係好食，尤其是佢既FRIDAY BURGER, 雖然好似配料簡單，但又出奇地感覺好食。BUFFULO WINGS: 我地三個人ORDER左六件份量，價錢係68蚊，其實我好鐘意食佢既BUFFULO WINGS, 但因為份量都算係好少，每隻WING都係細細既，所以只好淺嘗啦！味道係我好鍾意既美色酸辣感覺！我試過0係美國食，都係呢種煮法的，呢度真係好AMERICAN STYLE. 加埋BLU CHEESE醬真係好正，三條西芹不得不提，好爽好新鮮。唔捨得放低D CHEESE醬。POTATO SKINS: 好好味，我覺得真係冇得彈！佢既薯仔肉好JUICY，好薯仔味，唔會入面DRY，但外面芝
BUFFULO WINGS: 我地三個人ORDER左六件份量，價錢係68蚊，其實我好鐘意食佢既BUFFULO WINGS, 但因為份量都算係好少，每隻WING都係細細既，所以只好淺嘗啦！味道係我好鍾意既美色酸辣感覺！我試過0係美國食，都係呢種煮法的，呢度真係好AMERICAN STYLE. 加埋BLU CHEESE醬真係好正，三條西芹不得不提，好爽好新鮮。唔捨得放低D CHEESE醬。
POTATO SKINS: 好好味，我覺得真係冇得彈！佢既薯仔肉好JUICY，好薯仔味，唔會入面DRY，但外面芝士加煙肉又香又煙靭。但68蚊四件咋，好貴，加一埋之後其實都差唔多廿蚊一件，好貴，但真係好好食，都要忍手唔ORDER多碟啦！
FRIDAY BURGER: 內有一塊半溶的CHEESE, 有新鮮生菜，好爽既番茄，好爽好新鮮既酸瓜，當然有一塊厚厚既牛肉漢堡，我朋友叫左七成熟，成個配搭簡單，但係真係好新鮮好味。一咬下去係爽爽的，加埋面包佢TOAST過咁，邊位脆脆的，好好味。我見好多人都係點呢個BURGER食。見到食評有人話佢加左價，我又唔記得佢係咪加左價，但好似漢堡飽類選擇少左。108蚊抵唔抵食，我覺得絶對唔係叫抵食，但因為佢既新鮮程度好高，所以都值得食，我地三個人分個漢堡飽，每人食三分一個，當然唔飽啦。
CAJUN SHRIMP & CHICKEN PASTA: 好CREAMY，蝦好爽好新鮮，雞肉就OK啦，一絲絲的。PASTA 係扁闊條形狀的，PASTA 完全黏上CREAM，好入味。看似唔多熱咁，但一翻開就好熱的了，真係冇得彈！要彈就又係彈價錢啦！佢份量唔大，但都158蚊，雖然食得飽，但看似係D CREAM濟到飽呢。
BROWNIE: 呢個係好好味既DESSERT，鐘意食朱古力味甜品既人一定要試，但超HEAVY既感覺，一個人係冇可能食到的，兩至三個人0係唔飽既情況下先有可能食晒佢呢！佢好鬆化，入口即溶，加埋雪糕一齊入口就真係好好味架！但如果佢落多少少朱古力漿既話，應該會更PERFECT。
總括黎講，呢度食每樣野都係冇得彈，但價錢真係真係一個問題，本身鍾意0係呢度食野，都唔可以成日黎啦！可以順帶一提的係佢會幫人慶祝生日，會唱佢地既FRIDAY歌，我諗一班人黎都幾開心既！
张贴
