B07芝士雞鍋 (已結業)

個日同個fd睇睇下ig，睇到有個po全部都係芝士，我地兩個都好迫不及待咁話要去食！不過新蒲崗對我地黎講有d遠，所以我地完全係靠google map帶我地去。一去到，其實得幾張枱，不過個日冇乜人，所以我地都坐左係梳化位。佢有好多款唔同嘅鍋，有我地想試嘅芝士普通海鮮鍋，仲有d自選嘅。仲有追加拼料咁我地就叫左一個雙重芝士同一個辣嘅芝士啦，配個出前一丁。再加多兩份牛，一份蟹棒，一份廣島蠔同一份金菇。雙重芝士個個我朋友叫嘅，據佢口中得之就芝士味算濃，佢覺得唔錯。我個個就辣嘅芝士，我覺得辣味蓋過左d芝士嘅，有少少失望，不過！！！佢d雞好嫩好滑，好食過平時打邊爐d雞好多，而且佢一鍋起碼有5,6件雞而且大家見到嗎，係源源不絕嘅一芝士，見到嗎！！！！最後原來一人一個鍋係會好飽，兩個人一個鍋對我地兩個女仔黎講就差不多，埋單先二百蚊左右，幾抵食嘅。