影片
更多
2020-11-10
562 浏览
餐厅收9pm, 8点先铲落去, 配搭毛毛细雨, 果然唔驶排队, 但呢个唔系重点, 重点系伙计叔叔会笑! 会笑! 系笑容啊~其实今晚都八成满, 不过唔驶打仗, 加上我落单快到阿叔写唔切, 无位畀佢吹我, 然后佢笑住覆我一次有无落错. 理论系当你落单快过阿叔支笔就会产生速度快过光速嘅效果......(乱up🍲叉烧通粉/意粉: 老老实实麻麻地, 意粉太淋, 通粉普通, 叉烧偏薄无乜口感.🍳炒蛋/煎蛋: 蛋系澳牛嘅灵魂, 炒蛋真系又香又滑, 蛋黄味好重, 煎蛋可以前后蛋白都煎哂中间流心又唔穿.🍞多士: 厚切加溶哂嘅牛油好香, 不过再烘多阵挺身啲会有更好口感.🍖火腿: 唔起眼嘅野但都觉得好食啲, 唔会干争争鞋口, 同埋味道几突出, 有时出面食𠮶啲就咁一块无味嘅野咁.🍮蛋白炖鲜奶($30): 真系好滑, 里面偏液态半固体火候啱啱好, 但系太甜, 一个人食半碗已达上限. 唔记得相机食先碗野无左忽...☕茶走/杏霜: 茶走要少甜都甜过炖蛋, 似乎水吧大佬豪放型不解少甜, 建议自己落返沙糖掌握命运, 不过茶味系得嘅, 浓郁又无苦涩. 杏霜唔错, 唔落糖已经够甜, 唔会太多呕吐味.🤓结论: 火腿蛋多士先系
🍲叉烧通粉/意粉: 老老实实麻麻地, 意粉太淋, 通粉普通, 叉烧偏薄无乜口感.
🍳炒蛋/煎蛋: 蛋系澳牛嘅灵魂, 炒蛋真系又香又滑, 蛋黄味好重, 煎蛋可以前后蛋白都煎哂中间流心又唔穿.
🍞多士: 厚切加溶哂嘅牛油好香, 不过再烘多阵挺身啲会有更好口感.
🍖火腿: 唔起眼嘅野但都觉得好食啲, 唔会干争争鞋口, 同埋味道几突出, 有时出面食𠮶啲就咁一块无味嘅野咁.
🍮蛋白炖鲜奶($30): 真系好滑, 里面偏液态半固体火候啱啱好, 但系太甜, 一个人食半碗已达上限. 唔记得相机食先碗野无左忽...
☕茶走/杏霜: 茶走要少甜都甜过炖蛋, 似乎水吧大佬豪放型不解少甜, 建议自己落返沙糖掌握命运, 不过茶味系得嘅, 浓郁又无苦涩. 杏霜唔错, 唔落糖已经够甜, 唔会太多呕吐味.
🤓结论: 火腿蛋多士先系主角, 碗粉只系用黎塞饱埋个肚, 炖蛋如果政府发出一人限聚令就唔食得. 澳牛可以食, 但不至于要排队食.
💯分数: 4.83 out of 7
茶餐
$46
51 浏览
1 赞好
0 留言
蛋白炖鲜奶
$30
41 浏览
0 赞好
0 留言
张贴
