米走雞Deluxe (已搬遷) 新店位置

天氣終於開始轉涼，又係邊爐同雞煲出動既時候😍今晚就黎到依間有幾間分店既「米走雞」食雞煲加打邊爐。銅鑼灣分店坐落係渣甸街既渣甸中心，唔算難搵，舖面都算大，所以枱同枱之間都唔會話坐得太迫。雞煲方面就有「芝士雞煲」同「火焰麻辣雞煲」可以選擇，最後試左「火焰麻辣雞煲」。初初以為火焰麻辣既意思係好辣既意思，但原來係上雞煲既時候店員會用火槍係個雞煲到點火，雖然唔知個作用係咩，但應該係令啲雞有陣燶燶地既香味同埋俾大家打下卡🤣值得一讚既係雞煲夠惹味之餘，依間既雞煲既雞肉係暫時食過咁多間雞煲肉質最大舊既一間，啖啖肉。配料方面個人推介就有「沙白蜆」同「五香鮮牛肉」。「沙白蜆」夠乾淨無沙，又夠鮮甜，用$88就食到咁靚既海鮮CP值幾高下。「五香鮮牛肉」自己就建議可以落左先，因為淥完之後個湯會多左陣五香味，有種食沙嗲湯底既感覺。