響 - Hibiki 日本燒肉 (已結業)

餐廳做足防疫措施，令我哋安心，仲叮囑我哋出去攞飲品要戴番口罩，而且坐的枱與枱之間有寬敞距離，我哋都食得放心。不用叫的先來幾款食物，刺身、燒物讓人目不暇給，刺身的三文魚、海膽、甘蝦等，加上燒物的和牛、豚肉等以及龍蝦，睇到的確滿心歡喜，刺身味鮮，食後心中有點激動，因為年頭到宜家好耐冇食過刺身，見現時情況日趨好轉，當然要支持食店，所以也出動搵食，每口慢慢品嚐感受滋味。此餐廳是放題形式，質量卻不馬虎，尤其燒物上放了介紹字牌，說明該肉類及部位，果真一絲不苟，起碼食過覺得好食可以識得再叫吧，整體是不錯，我欣賞有不同味道清酒選擇，包括柚子酒和梅酒，因為食燒肉最重要有杯酒配搭先是人生快事，澳洲和牛肉係送酒之選，肉燒到變色有油脂浮面又未乾時就起筷，再點少少醬油提升牛肉味道，肉嫩帶爽，送酒一流。