嵐橋丼飯專門店 (已結業)

感覺上白蘭軒道尼幾年好似變左好多，以前尼帶好多酒吧，近年有好多日式店黎左尼度，男友係日本美食控，知道尼度新開左間嵐橋丼飯專門店，就話要黎試，我地8點黎到，嘩! 見到門口滿晒人，心諗: 又話新開既? 點解甘快甘多人咖???!!不過，人龍去得超快，我就係等左十分鐘左右就入到!!入到去就即點野食，首先黎個麵豉湯，我一向好驚D超咸既麵豉湯，不過尼碗一D都唔咸，而且真材實料，入面有海帶、豆腐粒、草菇仔，重見見到麵豉粒喺入面，好好味!!!男友指定要叫尼個 特選鐵火丼（$198），一上枱，隻鵪鶉蛋就好搶眼，而下面係片粉紅色既吞拿魚蓉、拖羅海，除左吞拿魚蓉、拖羅外，重有赤身，上面灑滿蔥、炸蔥、京蔥絲，重有醋啫喱。未食都已經覺得好治癒，睇得出廚師喺佈置方面落左心思。中拖羅口感軟熟，入口有綿軟軟既感覺，油脂均勻分佈，而且魚味濃，有入口即溶既感覺，真係唔捨得吞!而吞拿魚蓉本身已經綿滑細緻，再將鵪鶉蛋倒入去攪勻，口感更加香滑。另外，要提一提酸醋啫喱，用佢黎晶瑩剔透撈飯，酸,水真係一流!!我叫左個 海次幸丼 ($238) ，中拖羅、海膽、鰻魚、牡丹蝦、蟹肉、油甘魚；三文魚，三文魚、中拖羅口感輕盈爽彈，牡丹蝦、蟹