Jan Jan 串揚專門店 (尊豪坊) (已結業)

好多時去食嗰D日本過江龍,最怕Keep不到日本個品質,仲有就係開多兩間分店就變差嘅品牌。呢一間JanJan串揚專門店,我係真心推薦。以前係大阪住過,嗰邊真係好多串揚店,求其行入一間都好正😆而家香港好多人都識食串揚,但香港真係開了好多老翻!識食同食得出既我,而家就同大家真心推薦呢一間喇🌝今次我就食佢地午市,有個自選set,我叫左七串set。套餐係跟七串燒物或者揚物,另外送飲品同埋一個主食!全部串燒都做得好出色,香口而不油,勁鍾意個雞軟骨同埋牛!❤️串揚方面私心推薦年糕同埋芝士,特別係個芝士,咬開有熔岩流出嚟咁,但一定要趁熱食!呢個飯團都唔野少,牛油味超級香,個面仲要脆卜卜!必食之選🌟🌟🌟🌟佢啲炸物真係做得好靚,你會有一種食極都唔夠嘅感覺同埋如果識食嘅話,真係食得出佢哋啲料係靚野,用日本貨唔是陀地我已經揀咗七串set,食埋個飯團已經大滿足啦最重要係店員服務都非常之好!抵讚😌總結呢一間的確係我喺香港食過最接近日本味道嘅串揚店💛下次會再過嚟食晚餐香港真係好需要呢種正宗嘅日本過江龍呀!