吉壽日本料理 (已結業)

旺角真係好多放題，最奇怪既係，明明好多間，但就間間都爆，其實香港人愛放題既程度有幾高呢？而我，就通常都係兩個月左右一次，一黎可以比個肚休息下，二黎可以充滿期待食第二次！今次就千揀萬揀，揀左全港得一間既吉壽，而捨棄左連鎖店，睇下可以有咩唔同！講真，選擇都係黎黎去去個幾款，冇咩特別～但坐得真係算做舒適，唔會覺得好迫，亦唔怕人地行過會比人撞親，加上員工都好有禮貌，依幾方面真係值得一讚！當日我地其實叫左兩盤刺身，但第一盤黎個時我咁岩出左去揀野飲，返到黎已經切底被破壞了所以唯有影底refill個盤mini版啦......當日點既野有8成已上都好好食，由其係刺身，係我食過咁多間入面數一數二嫁！必食推介:1. 刺身: 超！新！鮮！ 當中既帶子, 蝦同希靈魚係一定要食既！ 首先帶子係大大粒，而唔係切到細細粒咁，成粒成粒放入口真係好爽！而蝦就好先甜，難得蝦頭既膏都唔腥，好好味！而最令我驚訝既係希靈魚～平時我好少食，雖然口感得意，但好多時都係又咸又腥咁！但依度既希靈魚就冇依個問題2. 海膽手卷:  同其他餐廳一樣，都係細細件，一口手卷黎～唔會怕食完食唔落其他野！海膽好鮮甜，一Ｄ都唔腥，好味到要encore