影片
更多
2019-07-19
1219 浏览
呢日去咗皇家太平洋酒店食係威係勢嘅夏威夷風味自助餐，真係飽到上心口因為好多嘢啱我食。 咩都唔使講幫襯自助晚餐即送一人一隻堂烤鮮龍蝦配菠蘿木瓜莎莎，我平時唔鍾意食熱生果嘅菜，不過呢種熱法唔會整熟啲生果得嚟又好好味。 任食方面有香煎鴨肝配清純的粟米蓉及柑橘汁，第一次試呢個汁又同鴨肝幾好朋友喎。呢個蟹肉芝士意大利飯不之日得了，平時唔Like食意大利飯嘅我都隊咗兩個蟹蓋。 仲有好攪野又貼題嘅餐肉壽司，話時話吖點解夏威夷啲人咁鬼鍾意食午餐肉？仲有香夾脆嘅慢烤原隻卡魯瓦烤乳豬，側邊嗰啲係芹菜頭索咗豬油好濃味。夠特别嘅夏威夷芋葉蒸雞肉，啲芋頭先係主角嘢。超激大嗰嘅大海灣海鮮燴飯，如是飯桶真係開心死。夏威夷椰子布甸都係今次自助餐嘅主題，椰子香味好突出必試之選。凍海鮮有翡翠螺、青口、蜆、、龍蝦鉗、鱈場蟹腳、海蝦小龍蝦，唔好話冇得揀啊。沙律同頭盤都有唔少夏威夷嘅特色，好似夏威夷式嘅三文魚、吞拿魚沙律好好味架。凍肉有選擇有三款加埋煙三文魚貴精不貴多。日本位有小食、刺身、壽司同冷麵，都好多款揀而且刺身好新鮮我食咗唔少架。喺粉麵位揀好餸同麵之後揀埋湯師傅就即刻煮比我，熱辣辣又飽肚啱晒有個黑洞胃嘅我。隔籬有金銀
咩都唔使講幫襯自助晚餐即送一人一隻堂烤鮮龍蝦配菠蘿木瓜莎莎，我平時唔鍾意食熱生果嘅菜，不過呢種熱法唔會整熟啲生果得嚟又好好味。
任食方面有香煎鴨肝配清純的粟米蓉及柑橘汁，第一次試呢個汁又同鴨肝幾好朋友喎。
呢個蟹肉芝士意大利飯不之日得了，平時唔Like食意大利飯嘅我都隊咗兩個蟹蓋。
仲有好攪野又貼題嘅餐肉壽司，話時話吖點解夏威夷啲人咁鬼鍾意食午餐肉？
仲有香夾脆嘅慢烤原隻卡魯瓦烤乳豬，側邊嗰啲係芹菜頭索咗豬油好濃味。
夠特别嘅夏威夷芋葉蒸雞肉，啲芋頭先係主角嘢。
超激大嗰嘅大海灣海鮮燴飯，如是飯桶真係開心死。
夏威夷椰子布甸都係今次自助餐嘅主題，椰子香味好突出必試之選。
凍海鮮有翡翠螺、青口、蜆、、龍蝦鉗、鱈場蟹腳、海蝦小龍蝦，唔好話冇得揀啊。
沙律同頭盤都有唔少夏威夷嘅特色，好似夏威夷式嘅三文魚、吞拿魚沙律好好味架。
凍肉有選擇有三款加埋煙三文魚貴精不貴多。
日本位有小食、刺身、壽司同冷麵，都好多款揀而且刺身好新鮮我食咗唔少架。
喺粉麵位揀好餸同麵之後揀埋湯師傅就即刻煮比我，熱辣辣又飽肚啱晒有個黑洞胃嘅我。
隔籬有金銀蒜蒸海鮮，呢日有魚同螺加咗蒜蓉幾香口。
想再惹味啲有港產嘅避風塘炒龍蝦。
牛魔皇梗係要食原條西冷牛肉，仲有好甜嘅雙色蕃薯添。
呢一邊有啲素食好似餐包、田園風味薄餅、印度薄餅。
中式湯水呢晚係姬松菇杞子圓肉燉雞，我飲咗兩大碗你話唔吖。
任食雪糕有成12款唔同嘅Mövenpick雪糕，仲有雞蛋仔即焗即食盞喇啩！
仲有大量中西同夏威夷嘅好味甜品等緊我呀。
而飲品亦係可以無後顧之憂咁勁飲因為係包埋架，好多類型揀有罐裝汽水、啤酒、果汁、夏威夷特飲、紅菜頭梨汁正啊。
仲有薯蓉菠菜焗帶子好新鮮要食呀。
最後記得食埋出一次嘅火焰雪山啊，淋咗橙酒後點火呢啲畫面最呃Like架啦，食到飽飽可以返屋企喇。
张贴
