影片
更多
2020-06-07
324 浏览
襯有朋友喺銅鑼灣放工，就諗住揀一間唔錯嘅黃店試吓，之前經過見到呢間好多人排隊，就預先book定星期五晚去食。舖頭環境比較細，但員工服務態度唔錯，預先留咗角落頭位置俾我哋坐。雖然位置幾好，但唯獨呢個角落冇冷氣同風扇流通，全程食飯好似喺戶外咁流唒汗⋯⋯因為星期五關係，員工話冇set dinner，就叫咗三款主食再加$38轉左套餐：首先嚟嘅係飲品：最左嘅係藍柑橘加粉紅葡萄柚梳打，三杯之中較好飲，飲落甜甜酸酸比較清新。中間嗰杯係焦糖香蕉朱古力奶，香蕉上面有啲烤焦左嘅焦糖，下面就係普通嘅朱古力奶。最右個杯叫少女的祈禱，其實就係士多啤梨溝香蕉沙冰，味道普通有啲假。跟住嚟嘅係湯，個湯淡而無味，見佢黃色應該係忌廉湯，但淡到真係完全飲唔到係乜嘢味道，大家飲咗幾啖飲唔落，配嗰條麵包條仲有味過佢。以為湯淡啲，主食個樣唔錯味道應該幾好，點知聞到食落就知出事......菠菜汁雞肉野菌扁意粉一擺上枱已經好大浸怪味，係我從來冇聞過嘅一啲好臭嘅香料？擺落口又係完全冇味道，成碟意粉唯一食得落嘅就係嗰幾條菇，一啲都唔明白點解成碟綠色都可以冇菠菜味冇雞肉味。班尼雪花牛迪蛋賣相吸引，但用刀切蛋就出事，蛋過熟切落好硬，切埋落個
舖頭環境比較細，但員工服務態度唔錯，預先留咗角落頭位置俾我哋坐。雖然位置幾好，但唯獨呢個角落冇冷氣同風扇流通，全程食飯好似喺戶外咁流唒汗⋯⋯
因為星期五關係，員工話冇set dinner，就叫咗三款主食再加$38轉左套餐：
首先嚟嘅係飲品：
$58
30 浏览
0 赞好
0 留言
最左嘅係藍柑橘加粉紅葡萄柚梳打，三杯之中較好飲，飲落甜甜酸酸比較清新。
中間嗰杯係焦糖香蕉朱古力奶，香蕉上面有啲烤焦左嘅焦糖，下面就係普通嘅朱古力奶。
最右個杯叫少女的祈禱，其實就係士多啤梨溝香蕉沙冰，味道普通有啲假。
跟住嚟嘅係湯，個湯淡而無味，見佢黃色應該係忌廉湯，但淡到真係完全飲唔到係乜嘢味道，大家飲咗幾啖飲唔落，配嗰條麵包條仲有味過佢。
以為湯淡啲，主食個樣唔錯味道應該幾好，點知聞到食落就知出事......
菠菜汁雞肉野菌扁意粉一擺上枱已經好大浸怪味，係我從來冇聞過嘅一啲好臭嘅香料？擺落口又係完全冇味道，成碟意粉唯一食得落嘅就係嗰幾條菇，一啲都唔明白點解成碟綠色都可以冇菠菜味冇雞肉味。
班尼雪花牛迪蛋賣相吸引，但用刀切蛋就出事，蛋過熟切落好硬，切埋落個包到好難先切得開，牛肉味道普通，試完就唔想再食。
至於海虎蝦雞粒蕃茄汁意大利飯有比較之下就正常啲，但佢個番茄汁只係紅色嘅茄蓉，冇蕃茄味，海蝦細隻乾身，但已經係咁多樣比較食得落口。
雖然整體服務不錯，但食物好睇唔好食，每人都要180幾蚊，見黃店好想支持，但真心希望食物質素要大大改善。
张贴
