超羣麵包西餅 (洋葵樓) (已結業)

第一次接觸呢間麵包店係因為上網買左芳叔蛋撻既團購，黎到呢度拎先知道原來我地馬頭圍仲係有麵包店！相信住附近既街坊都會明白，馬頭圍真係無咩新鮮出爐既麵包店啊！！對我地黎講，美心同聖安娜既麵包都已經唔再新鮮，連個暖笠笠既手感都無，而呢間真係唯一一間買完仲會摸到暖既麵包店。不過最好味既就係冬天果季既紫薯蛋撻，亦都令到我更多期待每一季會出Ｄ咩新口味蛋撻，佢價錢上其實係唔貴既；而除左佢既蛋撻之外，佢原本大力推薦既就係天下第一包（奶黃包），第一次食既時候入面熱辣辣，亦都流到我周身都係，但之後就越黎越少奶黃係入面，所以而家都少左買呢隻包。不過整體黎講，成間麵包店俾我既感覺都係好既。