影片
更多
2017-01-27
176 浏览
細細個坐5B巴士去銅鑼灣，係鵝頸橋過小小就會見到一個招牌，上面寫住「凡高廚房」，覺得個名好特別，好得意，因為凡高係一個畫家，佢竟然會有一個廚房！小弟宜家都算叫做長大成人，今次有機會一試「凡高廚房」究竟有d咩秘密！一入到去，我見到好多凡高嘅名畫，叫「凡高廚房」果然貼切，聽餐廳經理講，雖然呢幾幅畫唔係凡高嘅真跡，但係係餐廳老闆特別叫畫家模仿凡高畫出嚟，所以係好有心㗎！呢幅就係我最鍾意嘅「星空」！我同朋友各自叫咗一個set dinner，分別係牛排同意大利飯，仲有一個焗法國田螺。法國田螺我都好耐冇食過，今次再食番，好意外，田螺唔韌，再加埋d牛油薯蓉，真係絕配！Set dinner餐湯轉咗野菌忌廉湯，廚師將八種野菌打碎，再加忌廉一齊煲，出咗個好香好濃嘅忌廉湯！我個set dinner前菜係三文魚雜菜卷，煙三文魚加雜菜，感覺好fresh！而我set dinner個牛排好犀利㗎，係炭燒美國頂級Prime牛肉眼仲配埋牛肉濃汁，廚房煮嘅時候用咗dried aged方法，首先將牛排放係恆溫箱入面吊乾二十到四十五日，牛肉纖維變得柔軟，水分流失了，肉汁更濃縮，肉味更重，同其他牛排無得比呀！一食入口，好稔，好
小弟宜家都算叫做長大成人，今次有機會一試「凡高廚房」究竟有d咩秘密！
一入到去，我見到好多凡高嘅名畫，叫「凡高廚房」果然貼切，聽餐廳經理講，雖然呢幾幅畫唔係凡高嘅真跡，但係係餐廳老闆特別叫畫家模仿凡高畫出嚟，所以係好有心㗎！
呢幅就係我最鍾意嘅「星空」！我同朋友各自叫咗一個set dinner，分別係牛排同意大利飯，仲有一個焗法國田螺。
法國田螺我都好耐冇食過，今次再食番，好意外，田螺唔韌，再加埋d牛油薯蓉，真係絕配！
Set dinner餐湯轉咗野菌忌廉湯，廚師將八種野菌打碎，再加忌廉一齊煲，出咗個好香好濃嘅忌廉湯！
我個set dinner前菜係三文魚雜菜卷，煙三文魚加雜菜，感覺好fresh！
而我set dinner個牛排好犀利㗎，係炭燒美國頂級Prime牛肉眼仲配埋牛肉濃汁，廚房煮嘅時候用咗dried aged方法，首先將牛排放係恆溫箱入面吊乾二十到四十五日，牛肉纖維變得柔軟，水分流失了，肉汁更濃縮，肉味更重，同其他牛排無得比呀！一食入口，好稔，好juicy，一試難忘！
到我朋友嘅set dinner前菜啦，係炸芝士，好特別；而個意式馬賽海鮮意大利飯，入面有大蝦、帶子、青口同魷魚，好多配料。意大利飯軟硬程度啱啱好，又入味，又足料，好好食。
食完主菜就到甜品，我吔嘅甜品分別係焦糖燉蛋同芝士蛋糕。
餐飲～
「凡高廚房」果然冇令我失望，反而有驚喜，大家快d去試下！
张贴
