小林札幌拉麵

营业中

休息中

係博文街，唔係埃華街。我以後都會記得小林札幌嘅地址，因為我嘅味蕾滿載了錯誤的記憶。話說聽聞大角咀有間叫札幌嘅拉面好食，咁我行開大角咀，去到埃華街，見肚仔餓，咪搵食囉。抬頭一見札幌二字，就入咗去。結果，叫咗碗䓤拉面，但實際上就食咗碗本土拉面，典型港式叉燒拉面，拉面面底似超市即食拉面，湯底又淡，居然夠膽係牆身寫上如果怕濃要講定要淡，也許我的味蕾壞掉了，我點都食唔出有咩咁濃。好啦，叫咗杯凍啡，又係淡得過份，似水非啡，似係一杯凍冰水唔小跌咗少少咖啡粉落去。平心而論，呢個拉面餐係可以食的，但係唔好掛羊頭賣狗肉，唔好改個日本名，叫番本土啲，叫札記拉面就啱晒河車，收番本土拉面價就啱啲。p.s.我本來諗係番埃華街個間落呢個食評，但居然搵唔到，唯有係度落。大家要認清兩間嘅分別。