老掌櫃東北菜館 (富達廣場)

呢間其實幫襯過好幾次，能讓我家大爺食完再去食的餐廳，一定唔會差！終於得閒評一評！

裝修簡潔，座位闊落舒服，場內輪流播放經典廣東歌及華語歌，有種北上玩食炒小菜的風味！

口水雞伴麵🍜味道濃，夠辣🌶️🌶️🌶️麵條係粗麵，撈口水雞汁食好入味！

口水雞伴麵

螞蟻上樹🐜

經典川菜，食過幾次，次次都成座山咁上碟，仲配一碗白飯，兩三個人share食都夠！ 味道係少少酸中等辣🌶️🌶️好醒胃！

桂花酒釀小丸子🍡

小小一碗，一人份量，迷你丸子煙煙韌韌，淡淡桂花香氣，煮過後酒精已蒸發，剩下糯米酒的甜。是一道不錯的甜品，女生會喜歡！

桂花酒釀丸子

至於服務態度，不能說好也不算差，反正都是手機掃碼自行落單，沒多大影響！:)

1

螞蟻上樹