UCC CAFE MERCADO

营业中

休息中

以前因為其中一位親戚嘅關係，個個星期都會去沙田UCC食早餐，最鍾意就係佢個蜜糖熱香餅pancake，仲記得每次都覺得係嗰度食得好舒服，環境好員工好自從沙田冇咗之後，我哋間唔時都會講起冇咗一個用嚟傾偈聚會嘅地方喺沙田，直到最近見到佢重新開咗，我哋超開心急不及待去咗食新Menu食嘅嘢都係以日式洋食為主題design，可能因為唔係早餐時段，已經冇咗我以前心心念念嗰個熱香餅pancake ，但係甜品仍然有高身啲有少少蛋糕質地嗰一種日式pancake，而且有依家好流行嘅開心果口味，所以都係忍唔住叫咗嚟食，味道唔錯嘅雖然唔係好驚喜，但係成個Combo出嚟係都滿意既不過可能始終係新開張，無論前線同事定係廚房同事都未完全熟悉？我哋叫咗兩杯嘢飲一杯係玉桂拿鐵一杯係黑豆拿鐵，等嘅時間正常啦唔係好耐嘅，但係多兩杯嘢飲嚟到嘅時候我親戚嗰杯肉桂好靚，但係我個杯黑豆就好肉酸，好明顯擺咗好耐我明白新開張人手未必好足夠，或者夠快手可以杯嘢飲一出到水吧就拎到客人面前，但係當你哋有時間拎返杯嘢飲俾客人嘅時候見到咁嘅樣，應該要考慮重新整過而唔係照舊攞出嚟俾客人都係嗰句，基於情意結，加上體諒佢新開張，我相信佢哋可以做返好啲t