撈麵君88

营业中

休息中

蜆殼街有好多食肆，今日抱着一試無妨嘅心態去咗試撈麵君88。吉列芝士豬扒蛋包飯（$63）：非常推薦呢個菜式。芝士做到拉絲嘅效果。吉列炸皮鬆脆。豬扒保留到肉汁。煎蛋呈半熟狀態。份量亦都好足。蕃茄肉碎湯雲吞（小份$38）：值得一讚佢個湯，鮮甜嘅，唔覺得佢有加味精。雲吞小份都已經有12粒。其實一個女仔食，食呢個都已經夠飽。佢嘅雲吞係細細粒嗰種，入邊有豬肉同菜，感覺係自家製嘅質素。煎蠔仔餅（$48）：完全冇諗過呢個價錢會有兩大塊。佢唔係潮式酥炸嗰款，而係煎熟嗰款，所以冇咁熱氣。入邊除咗蠔仔雞蛋仲有好多蔥頭同香蔥，所以味道幾有層次。凍檸茶（$15）：茶味濃郁，解渴之選。