Running 燒 (已結業)

炎炎夏日，梗係要去燒嘢食以毒攻毒啦🤣 本身真係諗住去户外燒，但係又驚要自己預備好多嘢，所以最後都係揀咗一間室內韓燒試試佢🧐⚠️大家千祈唔好誤會，今次去到餐廳食晚飯係早排疫情未有咁嚴重嘅時候去🙈 今次我同另一位朋友兩個人撐枱腳去燒🤣我哋一到步已經被吸引，因為佢哋連出面等位嘅地方都整到好靚好韓😯我哋去嗰日係平日，所以唔太需要等位👍🏻不過食食吓間餐廳都開始full，好彩有事先book定枱😋一坐到埋位，未叫嘢食之前，餐廳已經即刻送上幾碟開胃菜俾客人😍每碟都唔一樣有泡菜，銀芽，最好係仲有一舊白蘿蔔俾大家燒到個鐵板黑晒嘅時候抹一抹😛 除咗任叫嘅燒肉同埋其他海鮮之外，仲有唔少熟嘅小食大家都可以值得一叫👍🏻例如我哋叫咗韓式炸雞同埋溫泉蛋香蔥紫菜飯真係超級正😛肉類方面我哋每款都叫咗兩至三件，海鮮帆立貝，魷魚我哋都叫咗少少去試🥩🦑全部都好新鮮同埋啲肉都入口即溶🥺不過食食吓覺得有啲油膩，所以叫咗一碟生菜包住啲肉食，成個感覺即刻勁fresh🥬🌱除咗食物之外飲品都當然係任攞🧃🍵🍺🥤食完之後仲可以叫甜品做個wrap up🤰🏻今次兩個人因為係平日食，所以價錢我認為非常之抵👍🏻埋單每人$300都唔洗就可以食到飽飽咁離開