Monster Sushi (已結業)

買左戲飛未夠鐘入場，見有成個幾鐘，於是乎去呢間某靚仔男明星有份做老闆既日本野開餐。

之前係年頭黎過一次，因今次得一個人，就揀的夠食就算啦。

侍應服務態度都ok，見你一食完就黎收碟，可能成間餐廳都係得果幾枱客啩

食物同其他幾間大型連鎖日本壽司店黎講，唔係最好既，我又唔覺得有咩驚喜囉。

老實講，我下次黎呢個商場我未必再黎呢度幫襯囉

A5和牛卷 - 話用A5和牛，不過梗係覺得有些少腥味

三文魚壽司 - 再傳統不過既壽司，十幾蚊碟黎講價錢/味道/賣相都合理既

鰻魚壽司 - 鰻魚大大塊，扺食

葱花吞拿魚手卷 - 好味,好好味!