影片
更多
2013-04-04
259 浏览
早排買咗網上嘅富臨coupon, 堂食片皮鴨一隻$38，再加一$15及醬料小費，所以要趕喺到期前去食。如coupon所訂明，於享用時必須三天前訂位。到酒樓後，仲未睇得切menu, 侍應已催促先入片皮鴨張單到廚房先 ( 好似趕住去邊咁! )，然後再點其他菜式喎！無奈答應佢囉！之後.....看一看當晚menu，原來仲有其他優惠！如$1木桶雞一隻，$98加拿大芝士龍蝦伊麵，及多款信用咭特價小菜等..但因為我哋已買片皮鴨喎，所以唔准許有任何其他優惠喎！ 好嬲呀！ 早知放棄片皮鴨算啦！其實好想食完片皮鴨就走，但都無奈叫咗幾個小菜試吓。 嘩！ 乜隻鴨唔係拎到你檯前片嘅咩？咁至少都比隻鴨嘅穀身你望一望呱！？佢哋張coupon大大個字 hard sell 標明係 "足4斤重" 喎！但佢凈比碟皮我 ( 約12, 13塊皮 )，加一碟包/粉皮，咁點知係乜皮？有幾重幾大隻呀？ d皮片得又大塊，塊塊皮下面都成層厚厚嘅肥膏，個個一路食, 一路嘖哂d油出嚟，真係食到火都嚟呀╰_╯ ****真係好後悔網上買咗富臨呢張coupon呀！ 芙蓉炒海膽$78 : 要擘大對眼至揾到幾粒細細嘅海膽喺面，其他都係蛋白，京
早排買咗網上嘅富臨coupon, 堂食片皮鴨一隻$38，再加一$15及醬料小費，所以要趕喺到期前去食。
如coupon所訂明，於享用時必須三天前訂位。
到酒樓後，仲未睇得切menu, 侍應已催促先入片皮鴨張單到廚房先 ( 好似趕住去邊咁! )，然後再點其他菜式喎！無奈答應佢囉！
之後.....看一看當晚menu，原來仲有其他優惠！如$1木桶雞一隻，$98加拿大芝士龍蝦伊麵，及多款信用咭特價小菜等..
但因為我哋已買片皮鴨喎，所以唔准許有任何其他優惠喎！
好嬲呀！ 早知放棄片皮鴨算啦！其實好想食完片皮鴨就走，但都無奈叫咗幾個小菜試吓。
嘩！ 乜隻鴨唔係拎到你檯前片嘅咩？咁至少都比隻鴨嘅穀身你望一望呱！？佢哋張coupon大大個字 hard sell 標明係 "足4斤重" 喎！但佢凈比碟皮我 ( 約12, 13塊皮 )，加一碟包/粉皮，咁點知係乜皮？有幾重幾大隻呀？ d皮片得又大塊，塊塊皮下面都成層厚厚嘅肥膏，個個一路食, 一路嘖哂d油出嚟，真係食到火都嚟呀╰_╯
****真係好後悔網上買咗富臨呢張coupon呀！
芙蓉炒海膽$78 : 要擘大對眼至揾到幾粒細細嘅海膽喺面，其他都係蛋白，京葱粒同細細片嘅薑, 味道奇怪又冇鹹味，早知唔點呢個！
菠蘿京都骨$65 : 得幾塊薄片罐頭菠蘿墊底，用豬扒當排骨，份量少, 唔酸又唔甜，味道麻麻！
蝦醬通菜炒鮮魷$68 : 通菜係主角，鮮魷係小配角而已，份量少, 還幸炒得夠镬氣，不太油。
栗米班塊$78 : 魚當然唔係用石班啦，九成似越南鯰魚囉！炸得唔錯，味道仲ok嘅！
食完送生果 --> 幾片完全冇味嘅西瓜(切薄片)
其實，呢間酒樓嘅小菜都唔係太多選擇，一般平時食嘅街坊菜式都冇，佢哋好似集中sell海鮮餐多d，價錢又貴，相信嚟呢度晚飯只此一次吧！
题外话/补充资料：
終於明白咩叫執條襪帶....... 講到尾，都係貪小便宜之過囉！:(
(以上食记乃用户个人意见 , 并不代表OpenRice之观点。)
张贴
