大盛日本料理 (已結業)

之前都食過兩次,不過冇打食評,今次有影相,就打啦!!!!上次就係食豬頸肉拉麵($28)(有相),真係唔好食呀大家!!!舊肉硬到想死呀!!!!!!!咬勁耐都咬唔到囉=.=唉,但個拉麵同個湯底本身真係唔差架!!!男朋友就要鴨胸肉定食,佢話唔好食,而且又少,d肉好怪架~建議大家唔好試~再上次我就係食過豬扒定食($25),個豬扒都幾好味呀,唔肥~不過碗白飯冇汁點,好難食~今次我見上次去隔離台有個學生妹唔知食乜,勁大碟炸蝦,就好想食喇咁我見有個餐(學生餐$25-$28)有個叫天婦羅定食($25),就叫左來食~點知得兩隻蝦,不過都算啦,但個兩隻蝦真係好好味,雖然點都係雪藏,但真係算okay了~男朋友食個個shabu shabu~要海鮮鍋,裹面有三文魚,蝦,帶子,蜆等等...個湯我男朋友又唔鍾意,佢話都係麻麻地,又唔鮮,但要$40,唔抵喇~你叫學生餐係會每人送兩件三文魚比你既,我全部都比男朋友食,因為我唔食~呢間鋪既waitress係冇乜禮貌同有少少hardsell~