茶木‧台式休閒餐廳 (已結業)

而家周圍都有茶木，食過N次，食物、飲品及甜品無一次中伏，去得最多都係呢間旺角分店，無計，返學就係呢度附近，食到同d waiter熟曬，哈。今次2個人好似生蟲咁，叫左勁多野食，至愛生果茶夠香甜，仲要勁大杯，飲極都有。甜品樣夠份量，而且唔會太甜，食多多都無好溜的感覺，yummy牛肉麵湯底好濃郁，牛肉夠鮮嫩，最正係佢有一種台灣味道，所以十次有八次都係食佢。台式湯麵當然好味，但近年茶木加入西餐原素，呢個黑松露手作麵，麵條好有咬口，配合菇同煙肉，好香好好味，真係好味過出面好多西餐廳的卡邦尼意粉呢，正啊！