友利坊 x 友利冰室 x 勿當奴 (已結業)

其實次次黎到友利冰室都係點佢哋個漢堡餐，因為真係好好食，是日同朋友黎，佢就點左蛋包飯，我依然係漢堡包，哈哈😆買完餐攞住個牌仔就可以去搵位了，仲揀緊坐邊個陣野食已經到，個店員周圍搵我哋個號碼🤣🥚日式咖哩吉列軟殼蟹日本蛋包飯朋友點了蛋包飯，賣相幾靚，仲有沙律菜伴碟。咖哩是日式的甜咖哩，軟殼蟹新炸起得香很脆口😋蛋包飯下是珍珠米，軟綿綿有飯香，撈埋咖哩汁正喎。🍔芝士大啡菇手打牛肉漢堡新鮮製的漢堡包一定好食過某連鎖店好多，大大個包用牛油煎過，漢堡扒軟腍有肉汁，大啡菇鮮味，仲加了生菜、蕃茄、芝士呢啲無敵配搭，堅正😍漢堡餐送薯條同汽水，薯條係曲曲粗條，薯味重又係新鮮炸，好食👍🐓花膠螺頭燉雞湯係咪間間分店都有燉湯？平時食開另一店唔覺有🤔見到有就加一盅試下，掂喎，雞湯鮮甜濃郁，飲落又唔油，入面仲有雞件、瘦肉、花膠、螺頭等湯料，足料好飲👍🧃檸檬伯爵茶&C+朋友話飲富士蘋果伯爵茶，但無哂🤣咁轉飲檸檬伯爵啦，微甜有薄荷味，幾好飲。好味好味，會再來食😘