天浮橋拉麵 (已結業)

其實已經唔知第幾次來食， 每次同女友想食日本拉麵時都會即時去食， 雖然元朗都有唔少拉麵店，但天浮橋嘅白雞湯沾麵真係最令我上引， 湯頭夠濃厚， 麵最有咬口同麥香味，每一啖都令我有係日本嘅感覺。而佢嘅雞肉都係我喜愛嘅原因之一， 香煎過嘅表面依然保持到肉嫩滑不溜口， 雞味淡淡的反而同雞湯配合到， 食雞時一定要連湯，咁就fit 晒。不過今次最surprise 係蕨餅，因為之前次次去食都比較多人， 所以唔想霸住人地d 枱， 今次差唔多3點先去， 見冇咩客先敢叫甜品，雖然應該唔係自家製，但真係幾好味， 食完個麵再叫個甜品坐一陣， 傾陣計先走， 又一次快樂嘅午餐體驗。