八沢 (霎東街) (已結業)

去sogo 血拼， 就係附近食飯。搵黎搵去，又食番呢間。 今次冇叫黃牌，叫左北海道帶子烏冬，雙重芝士豬排飯，同埋新出的串燒（白鱔同牛舌）整體而言，水準都keep到的。個帶子烏冬有三粒大帶子，燒得好香！ 半個流心蛋🥚，再加高質烏冬浸係豬骨湯底真係食極唔厭。 個豬排飯好heavy😂皆因豬排炸得好脆！ 又juicy! 上面過層芝士係好好好好好濃郁！ 仲加埋忌廉汁真係好好味啊！至於新品串燒，我覺得牛舌真係史上食過最厚的牛舌！ 太厚😂😂😂 推薦白鱔串燒！ 魚肉嫩又脆！