夏雪 (已結業)

雖然紫薯嘅熱潮一早已經冷卻，但係我對紫薯嘅熱愛依然不減，所以呢間甜品店summer ice都仲係我心目中數一數二嘅dessert place💛每次嚟到都一定會叫紫薯窩夫，窩夫烤得外脆內軟，裏面仲有紫薯餡，咬落有唔同嘅層次。窩夫嘅蛋香味豐富之餘，仲帶有紫薯嘅甜味，基本上唔需要落蜜糖或者糖漿都已經夠味。窩夫隔離仲有紫薯粒粒，細細地好得意， 十分香甜。鍾意食雪糕嘅話，將窩夫同雪糕配埋一齊食，都唔錯㗎。旁邊仲有一條哈密瓜，好fresh!!