烏蠅館 (新都城中心二期) (已結業)

以前食完唔係咁滿意既餐廳，都未嬲到寫食評比個劣字，但今次真係頂唔緊，哩間d野真係十分差，唔會再有下次1. 問完侍應點落單，講完都唔知講咩，一路講一路行開，覺得我有順風耳？行幾遠我都聽到？2. 問非所答，又一枝箭行開。3. 全場3個侍應，零笑容＋禮貌，更何況一句唔該、 唔緊要。4. d菜暖既，唔熱。5. 門口等左三四個字位，入到去食完都無一杯水。特別帶位個位男侍應，唔講以為走緊酒店buffet場，忙到一句完整說話都講唔到，但間舖頭係一眼就可以睇哂d枱既規模，我想同你講聲，因為你，令到我對哩間舖印象奇差，唔會再幫襯。