紅粉佳人 (已結業)

之前看過<路比bearbear>的食評，就一直很想去試了，但因最近比較忙，終於前日有時間去一試了；我們叫了個情侶二人套餐，連加一也是二百鬆，都算平了。套餐包括有三文魚刺身、三文魚白汁醬伴香焗法包、餐湯或凱撤沙律、酥炸軟穀蟹、意式香草茄汁海鮮炒天使麵、甜品拼盤和咖啡。三文魚刺身- 都算OK，但一向對三文魚的喜好也一般。三文魚白汁醬伴香焗法包- 白汁醬幾好味，法包就焗得唔夠脆，軟稔稔，我自已就唔多喜歡；如喜歡脆身一點的，就記得先告知他們。忌廉餐湯或凱撤沙律- 餐湯一般，反而沙律就幾好味。酥炸軟穀蟹- 今次最喜歡的一道菜，炸得好脆，又唔會太乾身，軟穀蟹又香口又好味，唔錯。意式香草茄汁海鮮炒天使麵- 海鮮味道普通，天使麵唔會太稔，還有點彈牙，可惜不能轉用橄欖油來炒，如不是，相信會更加好味。甜品拼盤- 完全唔得，雪糕球包的一層皮，又韌又難食，芝士蛋糕又硬又唔好食；早知就叫普通的雪糕新地可能還好點。咖啡- 普普通通。以這價錢來說，都算唔錯的了，尤其是侍應態度真係幾好；一路聽舊歌，一路食晚飯，感覺又真係幾好，可惜當晚人比較嘈了點。