影片
更多
2020-02-23
1612 浏览
我以前成日去呢間餐廳食 貪佢個景靚 同埋有個小型自助餐 今次帶埋自己BB來 因為有BB車 所以要一讚經理雖然好忙 但都幫我安排個位放BB車。2月22日中午1-2點，負責我既session係一個年紀比較大既女侍應，帶眼鏡短頭髮。首先，當我消毒緊BB坐位時，我都未執好野，佢就罵爆我唔扔掉消毒酒精片既包裝，大佬我都未坐好，可唔可比少少時間我，但呢個時勢可能大家比較敏感又有點誤會；另外，到我哋食到差唔多，一家傾緊計，呢個女侍應又不停叫其他枱埋單，同想收我枱上既食物，我好不容易先餵好小朋友，開始自己食野，唔明點解佢要咁心急，態度仲要十分差，都算。最後到我要離開，BB車都已經出到去門口，佢都仲係好無禮貌叫我行開讓佢行先，條路其實好窄，我就忍唔住問佢，你有咩急事你可唔可以等陣先？原來呢個女人要係返工時間出去，經理都問佢做乜要出去，相信根本未到落場時間。我終於明白點解個女侍應一直要收走我枱上嘅食物，原來佢想返工時間偷懶！至於環境，外面個景係好靚，但我哋坐喺室內，地下就立痴痴。至於食物，我哋係食叫a la carte，(1)農夫包，個牛肝醬都幾特別，但包對我來講真係太硬，外國人應該ok(2)豬手，幾好味
2月22日中午1-2點，負責我既session係一個年紀比較大既女侍應，帶眼鏡短頭髮。首先，當我消毒緊BB坐位時，我都未執好野，佢就罵爆我唔扔掉消毒酒精片既包裝，大佬我都未坐好，可唔可比少少時間我，但呢個時勢可能大家比較敏感又有點誤會；另外，到我哋食到差唔多，一家傾緊計，呢個女侍應又不停叫其他枱埋單，同想收我枱上既食物，我好不容易先餵好小朋友，開始自己食野，唔明點解佢要咁心急，態度仲要十分差，都算。最後到我要離開，BB車都已經出到去門口，佢都仲係好無禮貌叫我行開讓佢行先，條路其實好窄，我就忍唔住問佢，你有咩急事你可唔可以等陣先？原來呢個女人要係返工時間出去，經理都問佢做乜要出去，相信根本未到落場時間。我終於明白點解個女侍應一直要收走我枱上嘅食物，原來佢想返工時間偷懶！
至於環境，外面個景係好靚，但我哋坐喺室內，地下就立痴痴。
至於食物，我哋係食叫a la carte，
(1)農夫包，個牛肝醬都幾特別，但包對我來講真係太硬，外國人應該ok
(2)豬手，幾好味，但唔係我食過既最好味既德國豬手，外表幾脆口，入面既肉都唔太乾身，可以一叫。
(3)carbonara , 有溫泉旦係上面，都幾好味，但略為乾身左少少
(4) Steak 呢個扒係最好味 五成熟 邊位比較林 老人家都食到，入面都唔會太鞋，對得住$400呢個價錢，唔錯。
不過我都未必會再去，因為真係一肚氣。
豬手，牛扒
$940
30 浏览
0 赞好
0 留言
张贴
