一品燒鵝海鮮酒家 (已結業)

又係講下飲茶經歷，屋企人有時朝早會黎呢豎飲茶，咁晨早會坐o係度飲茶嘆一盅兩件既十之八九都係老人家，因為佢前幾個月開始做一蚊一碗飯，所以有好多貪平既老人家幫襯，之但係佢其他點心都唔算平(o係大角咀而言應該算係貴添)，但佢食物質素係ok 的，佢D 點心耐唔耐就轉下款式，除左茶樓必有o個幾樣會保留外，其他都見佢不時轉款...午茶次數就少好多，一來貴，一貴就覺得有少少唔值喇，而且佢地應該係生招牌既燒鵝我反而覺得完全冇料到，不外如是...上次飲茶出黎見到有個牌sell 緊18 蚊隻大閘蟹(當然係一人最多叫一隻)，正價都係38 蚊，號稱老三陽供應貨源，希望遲D 有機會一試至於個標題... 係上次飲茶既事(但其實唔係發生o係我身上)，有個侍應(阿嬸黎) o係度發晒癲潑婦罵街咁o係度鬧個阿婆，但個阿婆一路都好calm 又唔係同佢對罵o個隻，好似只係講左兩句野批評佢，個supervisor 叫極佢都仲要鬧，呢種人似乎唔o岩做呢行...